უნგრეთის პარლამენტმა შვედეთისა და ფინეთის ნატოში გაწევრიანების განაცხადების რატიფიცირების კენჭისყრა გადადო.

უნგრეთის პარლამენტის დღის წესრიგის თანახმად, აღნიშნული საკითხის შესახებ დებატები კომიტეტების დონეზე 6-8 მარტს არის დაგეგმილი, ხოლო კენჭისყრა 20-დან 24 მარტამდე პერიოდში გაიმართება.

უნგრეთი ნატოს ერთადერთი ქვეყანაა თურქეთის გარდა, რომელსაც ჯერ არ მოუხდენია შვედეთისა და ფინეთის განაცხადის რატიფიცირება.

საჯაროდ, ბუდაპეშტს არანაირი მოთხოვნა არ დაუყენებია ჰელსინკისა და სტოკჰოლმისთვის, მაგრამ გასულ კვირას მატე კოჩიშმა, ვიქტორ ორბანის ფრაქციის თავმჯდომარემ, განაცხადა, რომ ახლა მიმდინარეობს სერიოზული დებატები ორი ქვეყნის გაწევრიანებასთან დაკავშირებით.