კახეთში ავარიას ოჯახის ორი წევრი ემსხვერპლა.

არსებული ინფორმაციით, მსუბუქ ავტომობილს ტრაქტორის მისაბმელი დაეჯახა, რომელიც მას მკვეთრ მოსახვევში შესვლისას მოწყდა.

შეჯახების შედეგად ადგილზე დაიღუპა მსუბუქი ავტომობილის ორი მგზავრი, სავარაუდოდ, 35 და 37 წლის და-ძმა.

მესამე მგზავრი სასწრაფო სამედიცინო დახმარების ჯგუფმა რაიონულ საავადმყოფოში გადაიყვანა. მის სიცოცხლეს საფრთხე არ ემუქრება.

ინფორმაცია "სფეისნიუსს" მერის წარმომადგენელმაც დაუდასტურა. ბესიკ ცისკარაულის თქმით, გარდაცვლილები 37 და 38 წლის და-ძმანი არიან.