რუსეთის მართლმადიდებლური ეკლესია ქმნის საკუთარ კერძო სამხედრო კომპანიებს რუსეთის ფედერაციის ტერიტორიაზე, რომლებიც მოსკოვის საპატრიარქოს დავალებით ეწევიან დაქირავებულთა რეკრუტირებას და საბრძოლო მომზადებას მორწმუნეთა შორის უკრაინის წინააღმდეგ ომისთვის. ამის შესახებ უკრაინის უსაფრთხოების სამსახურის პრესსამსახური იუწყება.
უწყების ცნობით, უსაფრთხოების სამსახურმა დააფიქსირა, რომ ერთ-ერთი ასეთი კერძო სამხედრო კომპანია, სახელად „წმინდა ანდრიას ჯვარი“, მუშაობს სანკტ-პეტერბურგის კრონშტადტის საზღვაო ტაძარში.
გავრცელებული ინფორმაციით, რელიგიური დაწესებულების კედლებში მისი წარმომადგენლები მორწმუნეებს აგროვებენ საოკუპაციო ძალებში შემდგომი ჩართვისთვის.
პოტენციური „კანდიდატების“ შერჩევისას უპირატესობა ენიჭებათ მამაკაცებს, რომლებიც უკვე მსახურობდნენ აგრესორი ქვეყნის სამხედრო ნაწილებში და აქვთ საბრძოლო „გამოცდილება“.
მას შემდეგ, რაც დაქირავებულები ჩაირიცხებიან სამხედრო კომპანიის რიგებში, ისინი გადიან სამხედრო ტაქტიკურ და საცეცხლე მომზადების კურსს რუსული სპეცსამსახურების ინსტრუქტორების ხელმძღვანელობით.
საბრძოლო მომზადების შენიღბვის მიზნით, მისი ორგანიზატორები ავარჯიშებენ „რეკრუტებს“ ექსკლუზიურად საკათედრო ტაძრის კედლებში, ასევე სპეციალური მომზადების მოედნებზე.
„დადგინდა, რომ ასეთი კომპანიების დაფინანსებას ახორციელებენ აგრესორი ქვეყნის კრემლის მეთაურთან დაახლოებული ფინანსური და ინდუსტრიული ჯგუფების წარმომადგენლები, , თანხები რუსეთის მართლმადიდებლური ეკლესიის ანგარიშებზე მიდის ქველმოქმედების სახით. შენატანები და შემოწირულობები ეკლესიების "მშენებლობისთვის", - აღნიშნეს უსაფრთხოების სამსახურში.
უსაფრთხოების სამსახური დოკუმენტირებული ფაქტების საფუძველზე ატარებს ყოვლისმომცველ ზომებს მხილებული დანაშაულის ყველა გარემოების დასადგენად და დამნაშავეების პასუხისგებაში მიცემის მიზნით.
0
0
