უკრაინის სამხედრო დაზვერვის მტკიცებით, ბალტიის ფლოტის ბაზაზე რუსულ სარაკეტო ხომალდ „სერპუხოვს“ ცეცხლი გაუჩნდა, რის შედეგადაც გემი მწყობრიდან გამოვიდა.
„სერპუხოვის“ ხანძრის შესახებ რუსული მხრიდან ჯერ არ ვრცელდება ინფორმაცია.
ორშაბათს უკრაინის თავდაცვის სამინისტროს მთავარმა სადაზვერვო დეპარტამენტმა სოციალურ ქსელებში გამოაქვეყნა შეტყობინება 7 აპრილს სერპუხოვის ბალტიისკის ბაზაზე, კალინინგრადის რეგიონში გაჩენილი ხანძრის შესახებ. შეტყობინებაში პირდაპირ არ არის ნათქვამი, რომ ხანძარი დაზვერვის ოპერაციის შედეგი იყო.
ამავდროულად, ბევრმა უკრაინულმა გამოცემამ, რომელსაც მოჰყავს იგივე ანონიმური წყარო „სპეციალურ სამსახურებში“ დაწერა, რომ ხანძარი სავარაუდოდ უკრაინის სადაზვერვო ოპერაციის შედეგი იყო.
მცირე სარაკეტო ხომალდი „სერპუხოვი“ რუსული ფლოტის ერთ-ერთი ახალი ხომალდია: ის 2015 წელს ჩაუშვეს წყალში, რომელიც პირველი წლები შავი ზღვის ფლოტის შემადგენლობაში შედიოდა, შემდეგ ბალტიის ზღვაში გადაიტანეს. გემს შეუძლია რვამდე საკრუიზო რაკეტის გადატანა.
0
0
