უკრაინაში დაღუპული ქართველი მებრძოლი არჩილ დევრისაშვილი საქართველოში ჩამოასვენეს. 

აეროპორტში ახლობლები და რიგითი მოქალაქეები დახვდნენ.

საზოგადოება ქართველ გმირს სამხედრო პატივით დახვდა.

არჩილ დევრისაშვილის ცხედარი სახლში უკვე გადაასვენეს. 

შაბათს, ქაშუეთის ეკლესიაში დაასვენებენ, სადაც სამოქალაქო პანაშვიდი გაიმართება. შემდეგ კი, კოჯრის საგვარეულო სასაფლაოზე დაკრძალავენ.

არჩილ დევრისაშვილი 27 ივლისს, ბახმუტში დაბომბვისას დაიღუპა. ის 2008 წლის აგვისტოს ომის მონაწილე იყო და უკრაინაში დანაყოფ ”შავ არწივში”ირიცხებოდა. ეს დანაყოფი უკვე რამდენიმე თვეა ბახმუტში იბრძვის.

უკრაინაში რუსეთის სამხედრო აგრესიას უკვე 50-მდე ქართველი მებრძოლის სიცოცხლე შეეწირა.