რუსეთი აცხადებს, რომ უკრაინამ ტაქტიკური ბალისტიკური რაკეტით, „ატაკამსით“ დაარტყა ყირიმს და რუსეთის რეგიონების მიმართულებით, სულ მცირე, 60 უპილოტო საფრენი აპარატი გაუშვა, რის შედეგადაც ნავთობგადამამუშავებელი ქარხანა დაზიანდა. ინფორმაციას „როიტერი“ ავრცელებს.

რუსეთის თავდაცვის სამინისტროს ინფორმაციით, რუსეთის საჰაერო თავდაცვამ ყირიმის თავზე ჩამოაგდო ცხრა ამერიკული ტაქტიკური ბალისტიკური რაკეტა „ატაკამსი“, ასევე 57 უპილოტო საფრენი აპარატი კრასნოდარის ოლქში და სამი ბელგოროდში. მათივე ცნობით, ექვსი უპილოტო საფრენი აპარატი ჩამოვარდა კრასნოდარის ოლქში, სლავიანსკში, ნავთობგადამამუშავებელი ქარხნის ტერიტორიაზე, რის შედეგადაც ქარხანამ მუშაობა შეაჩერა.

როგორც „როიტერი“ წერს, უკრაინის მხრიდან ამ თავდასხმის შესახებ ინფორმაცია არ გავრცელებულა.