უკრაინა მზად არის, რომ რუსეთთან მოლაპარაკება აწარმოოს. ამის შესახებ უკრაინის საგარეო საქმეთა მინისტრმა დიმიტრი კულებამ ჩინელ კოლეგასთან, ვან ისთან მოლაპარაკების დროს განაცხადა. ინფორმაციას rbc.ru ავრცელებს.

კულება უკრაინის წინააღმდეგ რუსეთის სრულმასშტაბიანი აგრესიის დაწყების შემდეგ ჩინეთში პირველად ჩავიდა. მან განაცხადა, რომ ძირითადი თემა იქნება სამშვიდობო მოლაპარაკების საკითხი, ვან იმ, თავის მხრივ, განაცხადა, რომ უკრაინის კონფლიქტის მოგვარება მოლაპარაკების მაგიდასთან უნდა მოხდეს.

რამდენიმე კვირის წინ რუსეთთან დიალოგის შესაძლებლობა უკრაინის პრეზიდენტმა ვოლოდიმირ ზელენსკიმაც არ გამორიცხა.