მეცნიერების განცხადებით, ნობელის პრემიის ლაურეატ CRISPR გენომების რედაქტირების ტექნოლოგიის გამოყენებით, მათ წარმატებით აღმოფხვრეს უჯრედებში შეღწეული ადამიანის იმუნოდეფიციტის ვირუსი (აივ).
„ეს ტექნოლოგია მაკრატელივით მუშაობს, თუმცა მოლეკულურ დონეზე. ასე, რომ "მავნე" ნაწილაკები შეიძლება მოშორდეს ორგანიზმს ან ინაქტივირდეს. იმედი გვაქვს, რომ, საბოლოოდ, შევძლებთ ორგანიზმის მთლიანად გათავისუფლებას ამ ვირუსისგან, თუმცა გაცილებით მეტი სამუშაოა ჩასატარებელი იმის შესამოწმებლად, რომ ეს მეთოდი უსაფრთხო და ეფექტური იქნება,“ - თქვა ნოტინჰემის უნივერსიტეტის ღეროვანი უჯრედებისა და გენური თერაპიის ტექნოლოგიების ასოცირებულმა პროფესორმა ჯეიმს დიქსონმა.
როგორც ცნობილია, აივ-ის საწინააღმდეგო (ამჟამად არსებულ) მედიკამენტებს ვირუსის შეჩერება შეუძლია, თუმცა არა მისი აღმოფხვრა. ამსტერდამის უნივერსიტეტის მეცნიერთა გუნდი ხაზს უსვამს, რომ მათი ნაშრომი მხოლოდ „კონცეფციის მტკიცებულებად“ რჩება და ის აივ-ის სამკუნალო წამალი მოკლე დროში ვერ გახდება.
„სრული დასკვნები ჯერ კიდევ გადასამოწმებელია, რათა დადასტურდეს, რომ ეს გავლენას მოახდენს აივ-ით ინფიცირებულებზე,“ - თქვა ჯეიმს დიქსონმა.
აივ-ის სამკურნალოდ Crispr-ის გამოყენებას სხვა მეცნიერებიც ცდილობენ. Excision BioTherapeutics-ის განცხადებით, 48 კვირის შემდეგ, აივ-ით დაავადებულ სამ მოხალისე პაციენტს სერიოზული გვერდითი მოვლენები არ აღმოაჩნდა.
თუმცა ლონდონის ფრენსის კრიკის ინსტიტუტის ვირუსის ექსპერტმა ჯონათან სტოიმ თქვა, რომ ყველა დაავადებული უჯრედიდან აივ-ის აღმოფხვრა "უკიდურესად რთულია".
”მკურნალობის მიზანმიმართული ეფექტი, შესაძლო გრძელვადიანი გვერდითი ეფექტებით, კვლავ გასარკვევია. მაშასადამე, სავარაუდოდ, მრავალი წელი გავა მანამ, სანამ Crispr-ზე დაფუძნებული თერაპია რუტინული გახდება - თუნდაც ვივარაუდოთ, რომ ის ეფექტური იქნება”, - თქვა ჯონათან სტოიმ.
0
0
