ქალი, რომელიც შოვში სტიქიას შეესწრო, აცხადებს, რომ ამ შემთხვევამ საჩხერეში მომხდარი მიწისძვრა გაახსენა, რომლის დროსაც სოფელ ხახიეთში მოწყვეტილი მთის მასამ სოფელი გადაფარა.

„საშინელი მდგომარეობა, საშინელი სურათი იყო. ხმაურით წამოვიდა [მიწის მასა], უეცრად დაიძრა მთა და ერთიანად წამოვიდა. აი ხახიეთში რომ მოხდა მიწისძვრა, საჩხერეში, ეგეთი ვარიანტი იყო. უცებ წამოვიდა და ჩაიძირა“, - აცხადებს ეკატერინე ადეიშვილი.

შსს-ს ინფორმაციით, სტიქიის ზონიდან ამ დროისთვის 140 მოქალაქე გამოიყვანეს.

ბოლო მონაცემებით, შოვში სტიქიის შედეგად დაღუპულია 2 ადამიანი, 35-მდე დაკარგულს კი ამ დრომდე ეძებენ. მათთან დაკავშირება ვერ ხერხდება. მათ შორის არიან ბავშვებიც.