საფრანგეთის პარლამენტმა საბოლოოდ მიიღო კანონი, რომელიც აძლიერებს ქვეყნის შესაძლებლობებს უცხოური ჩარევის წინააღმდეგ ბრძოლაში.

უმრავლესობის დეპუტატი, საშა ულიე მიესალმა კანონის მიღებას და აღნიშნა, რომ ის სთავაზობს ეფექტურ იარაღს დაზვერვის სამსახურებს უცხოური ჩარევის წინააღმდეგ საბრძოლველად.

ახალი კანონი ითვალისწინებს გავლენის ეროვნული რეესტრის შექმნას, ფინანსური აქტივების გაყინვის პროცედურასა და ალგორითმული მეთვალყურეობის ექსპერიმენტულ გაფართოებას, რომელიც ამჟამად გამოიყენება ანტიტერორისტული საქმიანობისთვის.

საგარეო ვაჭრობის საკითხებში დელეგატმა მინისტრმა, ფრანკ რისტერმა განაცხადა, რომ კანონს გადამწყვეტი მნიშვნელობა აქვს საფრანგეთის დემოკრატიის გასაძლიერებლად, რომელიც შიგნიდან და გარედან თავდასხმის სამიზნეა.

კანონი ასევე მოითხოვს უცხოური ინტერესების წარმომადგენლებისგან, დარეგისტრირდნენ ეროვნულ რეესტრში, რომელსაც მართავს საზოგადოებრივი ცხოვრების გამჭვირვალობის უმაღლესი ორგანო.