აშშ-ის შტატ ალაბამაში, პოლიციამ 36 წლის მამაკაცი ახალგაზრდა ქალის მკვლელობის ფაქტზე დააკავა. 21 წლის ლასი უიტსონი სარეაბილიტაციო კლინიკიდან გაწერის შემდეგ მოკლული იპოვეს. 

ABC News-ის ცნობით, მაიკლ უეიდ ტაკერს ლასი უიტსონის მკვლელობაში ბრალი წაუყენეს. 

ფაიეტის ოლქის შერიფის ოფისის თანახმად, სიკვდილამდე, უიტსონმა უკანასკნელად ტაკერი ნახა. 

ინციდენტიდან რამდენიმე დღის შემდეგ, უიტსონის ცხედარი მისმა ნათესავებმა ფაიეტის ოლქის ტყეში, საბანში გახვეული იპოვეს. პოლიცია მკვლელობის მოტივს არ ასახელებს.