თურქეთსა და სირიაში, მიწისძვრის შედეგად დაღუპულთა რიცხვმა 7 200-ს გადააჭარბა, წერს BBC.

თურქეთის ოფიციალური მონაცემებით, თურქეთში 5 400-ზე მეტი, სირიაში კი 1 700-ზე მეტი ადამიანი დაიღუპა.

ბოლო მონაცემებით, მიწისძვრის შედეგად 35 600-ზე მეტი ადამიანი დაშავდა. ორივე ქვეყანაში სამძებრო-სამაშველო სამუშაოები გრძელდება.

ჯანმო-ს ცნობით, დაზარალებულ ტერიტორიებზე ცხოვრობს, დაახლოებით, 23 მილიონი ადამიანი. ორგანიზაცია ვარაუდობს, რომ სტიქიის შედეგად დაღუპულთა რაოდენობამ, შესაძლოა, 20 ათასს გადააჭარბოს.

სამაშველო სამუშაოებში ჩართულები არიან ქართველი მაშველები. სამაშველო-სამძებრო სამუშაოებს მძიმე მეტეოროლოგიური პირობებიც ართულებს.

თურქეთში შვიდდღიანი გლოვაა გამოცხადებული.