თუ ვლადიმერ პუტინი 2024 წლის არჩევნებში მონაწილეობას გადაწყვეტს, მისთვის კონკურენციის გაწევას ვერავინ შეძლებს, - ამის შესახებ კრემლის პრესსპიკერმა, დიმიტრი პესკოვმა განაცხადა.

მისი მტკიცებით, პუტინი "მოსახლეობის აბსოლუტური მხარდაჭერით სარგებლობს".

"პრეზიდენტს ჯერ არ გამოუცხადებია, რომ თავის კანდიდატურას წარადგენს, მაგრამ თუ ვივარაუდებთ, რომ წარადგენს, მაშინ აშკარაა, რომ ჩვენს ქვეყანაში ამ ეტაპზე პრეზიდენტს ნამდვილად ვერავინ გაუწევს კონკურენციას", - განაცხადა პესკოვმა.

მისი თქმით, საპრეზიდენტო არჩევნებისთვის კრემლში მზადება ჯერ არ დაწყებულა.

რუსეთის მორიგი საპრეზიდენტო არჩევნები 2024 წლის მარტში უნდა გაიმართოს.