სტატუსის მიღება „ქართულ ოცნებას“ კი არ აძლიერებს, არამედ აძლიერებს ქვეყანას - ამის შესახებ ოპოზიციონერმა დეპუტატმა, რომან გოცირიძემ განაცხადა.

„ევროკავშირის წევრობის კანდიდატის სტატუსი რომ ვერ მივიღეთ, ეს იყო რუსეთის გამარჯვება. ახლაც თუ ჩამოგვაცილეს ამ პროცესს, ეს იქნება რუსეთის კიდევ უფრო დიდი გამარჯვება, გავლენის სფეროს დასაბრუნებლად სერიოზული პრეტენზია. 

სტატუსის მიღება ქართულ ოცნებას კი არ აძლიერებს, არამედ აძლიერებს ქვეყანას. 
მიუტევებელი შეცდომა იქნება, ამა თუ იმ მიზნით, სტატუსის დაკნინებას დაიწყებს ვინმე. ეს ეხება ოპოზიციასაც. 

თუ ვინმე ფიქრობს, რომ სტატუსის არმიღებით ხალხი გამოვა და გადათელავს ამ ხელისუფლებას, არის ილუზიებში ჩავარდნილი“, - აცხადებს გოცირიძე.

Share