მიხეილ სააკაშვილის ჯანმრთელობის მდგომარეობასთან დაკავშირებით, ბოლო დღეებში გაკეთებულ სხვადასხვა განცხადებებს გიული ალასანია ეხმაურება და ამბობს, რომ მდგომარეობა ისევ მძიმეა, ხერხემლის დაზიანება პროგრესირებს და არ არის გამორიცხული, სათანადო მკურნალობის არჩატარების შემთხვევაში, მისმა შვილმა ცოტა ხანში ვეღარ გაიაროს.

"დაზიანებული ხერხემალი, რა თქმა უნდა პროგრესირებს. ფეხების სისუსტის ერთ-ერთი მიზეზიც ეს არის სწორედ, დაზიანებული ხერხემალი. ითქვა, რომ თუ ესე გაგრძელდა, თუ არ ჩაუტარდა სათანადო მკურნალობა ცოტა ხნის შემდეგ, შეიძლება საერთოდ ვეღარ გაიაროს."- ამბობს გიული ალასანია.