ფერმერებმა ბრიუსელში ევროკავშირის სამიტის პარალელურად საპროტესტო აქციას მართავენ, რათა მეტი დახმარება მიიღონ უფრო მაღალი გადასახადების, გაზრდილი ხარჯებისა და იაფი სოფლის მეურნეობის იმპორტის ფონზე.

პოლიციის შეფასებით, დაახლოებით 1000 ტრაქტორმა გადაკეტა ბრიუსელის მთავარი მაგისტრალები. პარალელურად ფერმერებმა ევროპარლამენტს კვერცხები დაუშინეს, ცეცხლი დაანთეს და ფეიერვერკებიც მოაწყვეს.

მათ ტრაქტორებზე ჩამოკიდეს ბანერები, რომელზეც ეწერა: „თუ გიყვარს მიწა, მხარი დაუჭირე მათ, ვინც მას მართავს“. „არ არიან ფერმერები, არ არის საკვები“.

სამიტზე მისულმა ევროკავშირის თავმჯდომარე ბელგიის პრემიერ-მინისტრმა ალექსანდრე დე კროომ განაცხადა, რომ ფერმერების საჩივრები უნდა განიხილებოდეს.