აშშ-ის საიდუმლო სამსახურის თანამშრომლებმა ფლორიდაში, პრეზიდენტ დონალდ ტრამპის მარ-ა-ლაგოს რეზიდენციის ტერიტორიაზე შეჭრილი კაცი დააკავეს. ის ღობეზე გადაძვრა და განაცხადა, რომ სურს სახარების ქადაგება და პრეზიდენტის შვილიშვილის - 18 წლის კაის ცოლად შერთვა.

ცნობილია კაცის ვინაობა - ის 23 წლის ტეხასელი ენტონი რეიესია.

დაკავების შემდეგ ის ადგილობრივ პოლიციას გადასცეს. რეიეს ბრალი უკანონო შეჭრაში წარუდგინეს და 50 ათასი დოლარის ოდენობის გირაო შეუფარდეს. საქმის განხილვამდე მას ტრამპთან და მის ოჯახის წევრებთან მიახლოება აუკრძალეს. დაკავებულმა ბრალი არ აღიარა.

საიდუმლო სამსახურის თანამშრომლებმა განმარტეს, რომ ინციდენტის დროს რეზიდენციაში მათი დაცვის ქვეშ მყოფებისგან არავინ იმყოფებოდა.