„ნაციონალური მოძრაობის“ თავმჯდომარეობის ერთ-ერთი კანდიდატის გიორგი მუმლაძის თქმით, სოფელ ჭორვილაში მესამე პრეზიდენტ მიხეილ სააკაშვილის მხარდამჭერ აქციაზე „ქართულმა ოცნებამ“ პროვოკაციები მოაწყო.

„მშვიდობიანი პროტესტის ფარგლებში გავშალეთ „თავისუფლება მიშას“ ბანერი. ეს ვერ აიტანა ოცნებამ და მისმა ტიტუშკებმა და დაიწყეს ჩვენ წინააღმდეგ პროვოკაციები. პროვოცირება მოახდინა იმ ხალხმა, ვინც შეკრებილი  იყვნენ იმისთვის, რომ აქცია ჩაეშალათ. პროვოკაციები ვერ შეგვაჩერებს, ყველგან მივალთ და ივანიშვილს ვეტყვით, რომ ეს ქვეყანა ჩვენია“, - აღნიშნა მუმლაძემ.

სოფელ ჭორვილაში მიხეილ სააკაშვილის მხარდამჭერი აქცია გაიმართა, რასაც საპასუხოდ კონტრაქცია მოჰყვა.