ტიმ უოლცმა ოფიციალურად მიიღო აშშ-ის დემოკრატიული პარტიის ნომინაცია ვიცე-პრეზიდენტობის კანდიდატობაზე.

„ეს ჩემი ცხოვრების დიდი პატივია“, - განაცხადა მინესოტის გუბერნატორმა დემოკრატების ეროვნულ ყრილობაზე, რომელიც ჩიკაგოში გაიმართა. 60 წლის პოლიტიკოსმა ყრილობის მონაწილეებს თავისი ცხოვრების შესახებ მოუყვა.

ყრილობაზე უოლცს და დემოკრატების პრეზიდენტობის კანდიდატ კამალა ჰარისს მხარი დაუჭირეს აშშ-ის ყოფილმა პრეზიდენტმა ბილ კლინტონმა, მუსიკოსებმა სტივი ვანდერმა და ჯონ ლეჯენდმა, მსახიობმა მინდი კალინგმა და ტელეწამყვანმა ოპრა უინფრიმ.

კამალა ჰარისმა პრეზიდენტობის კანდიდატის ნომინაცია ოფიციალურად ერთი დღით ადრე მიიღო.