დღეს, დილით, თბილისში, ვაჟა-ფშაველას გამზირზე ესთეტიკის ცენტრი „გენეზისი“ გაქურდეს.

მომხდარზე გამოძიება 177 მუხლით დაიწყო, რაც ქურდობას გულისხმობს და ისჯება ჯარიმით ან შინაპატიმრობით ვადით ექვსი თვიდან ერთ წლამდე ანდა თავისუფლების აღკვეთით ვადით ერთიდან სამ წლამდე.

არსებული ცნობით, წაღებულია 11 000 ლარზე მეტი. თანხა კომპანიას დღეს თანამშრომლებისთვის ხელფასების სახით უნდა დაერიგებინა.

შემთხვევის ადგილზე საგამოძიებო მოქმედებები მიმდინარეობს. ამოღებულია სათვალთვალო კამერები. კადრებში კარგად ჩანან მძარცველები. არსებული ცნობით, მძარცველები  არასრულწლოვნები არიან და მათი ვინაობა დადგენილია.