დაპირისპირებისას დაშავდა აქციის რამდენიმე მონაწილე და სამართალდამცველი.

დაპირისპირება სასამართლოს შენობასთან, დაცვის ჯიხურზე აქციის ერთ-ერთი მონაწილის ასვლამ გამოიწვია, სამართალდამცველები მის ჩამოყვანას ცდილობდნენ.

ამასთან, „ნაციონალური მოძრაობის“ ლიდერები აცხადებდნენ, რომ პოლიცია წავიდა პროვოკაციაზე.

„პოლიტიკურად დაქირავებული პოლიცია მშვიდობიან მოქალაქეებს დაერივნენ სპრეებით“, – განაცხადა მინაშვილმა.

აქციაზე ამ დროისთვის სიმშვიდეა.

როგორც ცნობილია, დღეს თბილისის საქალაქო სასამართლოში საქართველოს ყოფილი პრეზიდენტის, მიხეილ სააკაშვილის სასამართლო სხდომა უნდა გაიმართოს. სააკაშვილის მხარდამჭერები სასამართლოს შენობის ეზოში აქციას მართავენ.