თბილისი-ბათუმის პირველი ავიარეისი, რომელიც ავიაკომპანია Georgian Wings-ს უნდა შეესრულებინა, დღეს ორჯერ გადაიდო.

თავდაპირველად თვითმფრინავი თბილისიდან 8 სთ 55 წთ-ზე უნდა გაფრენილიყო, მაგრამ რეისის გადაიდო, ჯერ 2 საათით, შემდეგ კი 5 სთ-ით და 30 წთ-ით.

რეისის გადადების ზუსტი მიზეზი უცნობია. სოცქსელებში ვრცელდება ინფორმაცია, რომ თვითმფრინავს ATR 72-500-ს, რომელსაც რეისი უნდა შეესრულებინა, ტექნიკური პრობლემები დაუფიქსირდა. ასევე ერთ-ერთი მიზეზი შეიძლება შავი ზღვის სანაპიროზე ცუდი ამინდიც იყოს.