თავისუფლების მოედანზე წყლის ჭავლის მანქანები მიიყვანეს. ასევე, მობილიზებულია სპეციალური ტექნიკის მანქანა, რომლის მეშვეობითაც, ხმოვანი სიგნალის გამოყენებით, დემონსტრანტებს, როგორც წესი, დაშლისკენ მოუწოდებენ. 

ამავე ტერიტორიაზე განლაგებულია რამდენიმე ავტობუსი, სადაც, სავარაუდოდ, სპეციალური დანიშნულების რაზმის დანაყოფები იმყოფებიან. 

მანამდე, სამართალდამცველებმა პარლამენტის ჭიშკრები რკინის ჯებირებით გაამაგრეს.

ცნობისთვის, პარლამენტთან "უცხოური გავლენის გამჭვირვალობის შესახებ" კანონპროექტის წინააღმდეგ საპროტესტო აქცია მიმდინარეობს. მოქალაქეები დღეს, პარლამენტის შენობის მიმდებარე ტერიტორიაზე, ღამის გათენებას აპირებენ.