ბიზნესმენ ტატო გურგენიძის დაჭრისთვის, პოეტი დავით გაბისკირია ბრალის დაზუსტებას ამ დრომდე წინასწარი დაკავების იზოლატორში ელის. პროკურატურა გაბისკირიას ადვოკატთან ერთად კონკრეტულ მუხლს, რომლის მიხედვითაც ის დაკავებულია, დღეს ოფიციალურად გააცნობს.

გაბისკირიას განზრახ მკვლელობის მცდელობაში ადანაშაულებენ. ამ დრომდე კლინიკაში რჩება ტატო გურგენიძე.

სისხლიანი დაპირისპირება ორი დღის წინ ვაკეში, ერისთავის ქუჩაზე, მშენებელსა და მიწის მფლობელს შორის დეტალების შეთანხმების პროცესში დაიწყო. 

დაკავებული ამ დრომდე დუმილის უფლებით სარგებლობს.