რომის პაპის, ფრანცისკეს განცხადებით, თანხები, რომლებიც სამხედრო მრეწველობაში იხარჯება, მსოფლიოში შიმშილთან საბრძოლველად უნდა დაიხარჯოს. ამის შესახებ ნათქვამია რომის პაპის სიტყვაში, რომელიც მან გაეროს კლიმატის ცვლილების 28-ე კონფერენციაზე გამოსვლისთვის მოამზადა, თუმცა ავადმყოფობის გამო ღონისძიებას ვერ დაესწრო.

„გამოვდივარ ინიციატივით, რომ თანხებით, რომლებიც სამხედრო მიზნებისთვის და სამხედრო მრეწველობის დარგში იხარჯება, შეიქმნას მსოფლიოში შიმშილის აღმოფხვრის საერთაშორისო ფონდი და შემუშავდეს ღარიბი ქვეყნების მდგრადი განვითარების პროექტები“, - აღნიშნულია რომის პაპის განცხადებაში, რომელიც მის ნაცვლად ვატიკანის სახელმწიფო მდივანმა, კარდინალმა პიეტრო პაროლინმა წარმოთქვა.