რუსი ოპოზიციონერი და ჟურნალისტი არკადი ბაბჩენკო ესტონეთში დააკავეს. ამის შესახებ უცხოური მედია წერს.

გამოცემის ცნობით, ჟურნალისტმა ესტონეთში რუსეთის საელჩოს შენობას კვერცხები ესროლა.

„რუსეთის ფედერაციის საელჩოს კედელს კვერცხები ესროლა 1977 წელს დაბადებულმა კაცმა. კაცი ადგილზე დააკავა პატრულმა“, - აცხადებენ ესტონეთის შსს-ში.

როგორც ტალინის პოლიციაში განმარტეს, მის წინააღმდეგ აღძრულია სისხლის სამართლის საქმე, თუმცა რომელი მუხლით, სამართალდამცავ სტრუქტურაში არ აკონკრეტებენ.

გამოცემა აღნიშნავს, რომ კაცი იმდენად გაბედული იყო, რომ საელჩოს კედლებს კვერცხები პოლიციის თვალწინაც ესროლა.