ავღანეთის პაქტიას პროვინციაში ადამიანი საჯაროდ სტადიონზე სიკვდილით დასაჯეს. ის მკვლელობისთვის იყო გასამართლებული. ინფორმაციას „ეხო კავკაზა“ ავრცელებს.

ამ ინფორმაციის მიხედვით, სიკვდილით დასჯას ათასობით ადამიანი თვალს ადევნებდა. დამნაშავეს მოკლულის ოჯახის წევრმა ესროლა.

ავღანეთის უმაღლესმა სასამართლომ დაადგინა, რომ, ვინაიდან დამნაშავემ მანამდე ადამიანი ცეცხლსასროლი იარაღით მოკლა, ის იგივე მეთოდით მოკვლას იმსახურებს. სიკვდილით დასჯის განაჩენი „თალიბანის“ ლიდერმა ჰაბათულა აჰუნძაძამ დაადასტურა. დახვრეტას თალიბების მიერ დანიშნული შს მინისტრი სირაჯუდინ ჰაკანი ესწრებოდა.