ტაივანის პარლამენტის წინ ათასობით ადამიანი შეიკრიბა მას შემდეგ, რაც საკანონმდებლო ორგანომ რეფორმების პაკეტი მიიღო, რათა მთავრობაზე კონტროლი გაზარდოს. რეფორმების პაკეტს ეწინააღმდეგებოდა მმართველი პარტია, რომელმაც არასაკმარისი ხმების გამო ვერ შეძლო მისი დაბლოკვა.
მშვიდობიანი პროტესტი და ზოგჯერ პარლამენტში ძალადობრივი დაპირისპირებები ჩინეთის მცდელობებთან დაკავშირებულ ფართო შეშფოთების ფონზე მიმდინარეობს - ჩინეთი ტაივანს საკუთარ ტერიტორიად განიხილავს, რათა კუნძულის პოლიტიკაზე გავლენა მოახდინოს.
საპარლამენტო რეფორმებით კანონმდებლებს უფლებამოსილება ენიჭებათ, სთხოვონ სამხედროებს, კერძო კომპანიებს ან ფიზიკურ პირებს, გაამჟღავნონ ინფორმაცია, რომელსაც პარლამენტარები რელევანტურად მიიჩნევენ. ოპოზიციონერები ასევე მთავრობის წარმომადგენლებს პარლამენტის უპატივცემულობის გამო ადანაშაულებენ და სთხოვენ პრეზიდენტს, რომ რეგულარულად წარუდგინოს მოხსენებები პარლამენტს და უპასუხოს დეპუტატების შეკითხვებს, რაც პირველი შემთხვევა იქნება ტაივანისთვის. ოპოზიციონერი დეპუტატები, რომლებსაც მზის ფორმის ბუშტები ეჭირათ, სკანდირებდნენ: „შეუშვით მზის შუქი პარლამენტში!“
პარლამენტის შენობასთან შეკრებილმა მომიტინგეებმა აღშფოთება გამოხატეს რეფორმების პაკეტის მიღების გამო და, სხვადასხვა ლოზუნგთან ერთად, სკანდირებდნენ: "არა - ჩინეთის პოლიტიკურ ჩარევას!".
0
0
