დიმიტრი საძაგლიშვილის თქმით, ამ უწყების გადაწყვეტილებით დადასტურდა მიხეილ სააკაშვილის ფუნდამენტური უფლებების დარღვევა.

„ინსპექტორის სამსახურმა და პირველ რიგში ლონდა თოლორაიამ, გამოავლინეს ერთგულება სამართლის უზენაესობის მიმართ და არ დაყვნენ ხელისუფლების უკანონო ნება-სურვილს. სწორედ ამ უწყების გადაწყვეტილებით დადასტურდა, რომ მიხეილ სააკაშვილის ფუნდამენტური უფლებები არაერთხელ დაირღვა ხელისუფლების მხრიდან და ეს უწყება აწარმოებს გამოძიებას ჯერჯერობით საკმაოდ ეფექტიანად.

ხელისუფლებამ გადაწყვიტა, რომ მთლიანად გააუქმოს ეს სამსახური. უკვე ძალიან აშკარაა, რომ სწრაფი ტემპით მივემართებით ავტორიტარიზმის ჭაობისკენ და თუ დროულად არ მოხდება გამოღვიძება, შესაძლებელია, საკმაოდ რთული გახდეს შემობრუნება ან შეუძლებელიც კი“, - განაცხადა დიმიტრი საძაგლიშვილმა.