სუვერენიტეტი არ იყიდება და თავისუფალი ხალხის ნება გაიმარჯვებს, – ამის შესახებ ჰელსინკის კომისიის თავმჯდომარე, რესპუბლიკელი კონგრესმენი და „მეგობარი აქტის“ ავტორი ჯო უილსონი სოციალურ ქსელში წერს.

მისი თქმით, აშშ დგას სალომე ზურაბიშვილის და ქართველ ხალხის გვერდით.

„აშშ დგას ერთადერთ ლეგიტიმურ ქართველ ლიდერთან, სალომე ზურაბიშვილთან და ქართველ ხალხთან, რომლებიც ითხოვენ თავისუფალ და სამართლიან არჩევნებს, უარყოფენ ჩინეთისა და ირანის რეჟიმის მარიონეტულ ინსტალაციას. სუვერენიტეტი არ იყიდება და თავისუფალი ხალხის ნება გაიმარჯვებს“, – წერს უილსონი.