იაპონიის დედაქალაქ ტოკიოში, სუშის რესტორატორებმა ცისფერ თინუსში $1.3 მილიონი გადაიხადეს, რომელიც დაახლოებით მოტოციკლეტის ზომისა და წონისაა. ტოიოსუს თევზის ბაზარზე გამართულ ყოველწლიურ საახალწლო აუქციონზე თინუსის ღირებულება მეორე ყველაზე მაღალი ფასია.

აუქციონში მონაწილე Onodera Group-მა განაცხადა, რომ თინუსს, რომელიც 276 კგ-ს იწონის, Ginza Onodera რესტორნებში, ასევე ნადამანის რესტორნებში, მთელი ქვეყნის მასშტაბით, შეიტანენ. 

„ეს პირველი თინუსია, რომელიც სიკეთეს მოგვიტანს. ის ჩრდილოეთ იაპონიის აომორის რეგიონში დაიჭირეს. ვიმედოვნებ, რომ ხალხი დააგემოვნებს თინუსს და შესანიშნავი წელი ექნება“, - განუცხადა Onodera-ს ოფიციალურმა წარმომადგენელმა შინჯი ნაგაომ ჟურნალისტებს აუქციონის შემდეგ.

ტოიოსუს თევზის ბაზარი, რომელიც 1935 წელს გაიხსნა, მსოფლიოში ყველაზე დიდი თევზის ბაზარია და ცნობილია თინუსის ყოველდღიური აუქციონებით. Japan Times-ის თანახმად, ბაზარზე ასევე ჰოკაიდოს ზღვის ზღარბები რეკორდულ ფასად - 7 მილიონ იენად - გაიყიდა.