ვენაში 28 წლის ქართველი ქურდობისთვის დააკავეს. ამის შესახებ ინფორმაციას ავსტრიული მედია ავრცელებს.

მედიის ცნობით, ქართველი ერთ-ერთი მორიგი ქურდობისას დააკავეს, როცა პარფიუმერიის ქსელში ძვირადღირებული სუნამოები მოიპარა. 

მისი დაკავება მას შემდეგ მოხდა, რაც პარფიუმერიის ფილიალის დაცვამ პოლიცია გამოიძახა, როცა მაღაზიის კამერის ჩანაწერებში მაღაზიის ძარცვის ფაქტი შენიშნა.

ეჭვმიტანილი ვენის პოლიციის თანამშრომლებმა ქურდობის ფაქტზე დააკავეს და პროკურატურის ბრძანებით ციხეში გადაიყვანეს.

ვენის სახელმწიფო კრიმინალური პოლიციის გამოძიებით დადასტურდა, რომ ეჭვმიტანილმა კიდევ 17 ქურდობა ჩაიდინა. 

გამოძიება კვლავ გრძელდება და უცნობია რამდენი წლით მოუწევს ქართველ მამაკაცს ვენის ციხეში ყოფნა.