„სუდანში, სამოქალაქო ომის შედეგად გამოწვეულ ჰუმანიტარულ კრიზისს ინფექციების, მათ შორის ქოლერას, გავრცელება ამწვავებს. რეგიონში, ბაქტერიული დაავადებით 300-ზე მეტი ადამიანი დაიღუპა,“ - განაცხადა ჯანდაცვის მსოფლიო ორგანიზაციის წარმომადგენელმა მარგარეტ ჰარისმა.

„დაფიქსირდა ქოლერთ დაავადებულთა 11,327 შემთხვევა, აქედან 316 ადამიანი დაიღუპა. ასევე ინტენსიურად ვრცელდება ინფექციები, როგორებიცაა „დენგეს“ ცხელება და მენინგიტი. მოსალოდნელია, რომ დაინფიცირებულ ადამიანთა რიცხვი გაიზრდება,” - დასძინა ჰარისმა.

სუდანში, ეპიდემიის აფეთქება, ძლიერი წვიმისა და წყალდიდობის შედეგად ჯანდაცვის სერვისების შეფერხებამ გამოიწვია.