ირანის სულიერი ლიდერი აიათოლა ალი ხამეინი  აშშ-ში სტუდენტების მიერ გამართულ პალესტინის მხარდამჭერ აქციებს გამოეხმაურა და აღნიშნა, რომ მათ ისრაელის წინააღმდეგ „წინააღმდეგობის ფრონტის“ კიდევ ერთი შტოს შექმნა შეძლეს.  

ირანის სახელმწიფო საინფორმაციო სააგენტო IRNA-ს ცნობით, ხამენეიმ სტუდენტებს ღია წერილით მიმართა, სადაც „ღაზაში დაჩაგრული ქალებისა და ბავშვების დასაცავად“ მათი ძალისხმევა შეაფასა. 

„თქვენ ახლა შექმენით წინააღმდეგობის ფრონტის შტო და თქვენი მთავრობის დაუნდობელი ზეწოლის წინაშე პატიოსანი ბრძოლა დაიწყეთ“, - წერს ხამენეი.

ცნობისთვის, ღაზაში მიმდინარე ომის ფონზე აშშ-ში და ევროპის სხვადასხვა ქვეყანაში პალესტინელთა მხარდამჭერი აქციები იმართება. სტუდენტები ღაზაში ისრაელის ომს აპროტესტებენ.