ცოტა ხნის წინ ორმხრივი სროლა იყო თბილისის ცენტრში, ზუბალაშვილების ქუჩაზე.

დაჭრილია 29 წლის თორნიკე გაბელაშვილი. მას ცეცხლსასროლი იარაღიდან გასროლით დაზიანებები აქვს ფეხის არეში. ის გადაყვანილია კლინიკაში და სასწრაფო ოპერაცია უტარდება.

არსებული ინფორმაციით, ზუბალაშვილების ქუჩაზე სისხლიან დაპირისპირებას წინ უძღოდა კონფლიქტიც. 

ადგილზე მობილიზებული იყო პოლიცია და სასწრაფო სამედიცინო ჯგუფი. 

პერიმეტრი ყვითელი ლენტითაა შემოსაზღვრული და პოლიციელებმა თვითმხილველებიც დაკითხეს.

არსებული ინფორმაციით დაწყებულია გამოძიება 2 მუხლით - ცეცხლსასროლი იარაღის უკანონო შეძენა-შენახვა-ტარება და ჯანმრთელობის განზრახ დაზიანება.

პირი, რომელმაც 29 წლის ახალგაზრდის მიმართულებით ისროლა, არ არის დაკავებული. მასზე ძებნაა გამოცხადებული.