სომხეთის ეროვნული უსაფრთხოების სამსახურის განცხადებით, რომ განეიტრალებულია ტერორისტული ჯგუფი, რომელიც აპირებდა სამთავრობო შენობების დაკავებას.

დაზვერვის სამსახურის ინფორმაციით, ხუთი ბრალდებული და სხვა დაუდგენელი პირები, წინასწარი შეთქმულებით, ემზადებოდნენ 2023 წლის განმავლობაში აფეთქებისა და „სხვა სოციალურად საშიში აქტის“ ჩასადენად, ასევე სხვა და სხვა სტრუქტურებში ეროვნული მნიშვნელობის შენობების დასაკავებლად.

„ამ ქმედებების მიზანი იყო ხელისუფლების ორგანოების საქმიანობის შეფერხება. მაგრამ ზემოაღნიშნულმა პირებმა ვერ მოასწრეს დანაშაულის ჩადენა, რადგან მათი იდენტიფიცირება ეროვნული უსაფრთხოების სამსახურის მიერ მოხდა“, - ნათქვამია განცხადებაში.

ეროვნული უსაფრთხოების სამსახურის ინფორმაციით, სისხლის სამართლის პროცესის ფარგლებში მოპოვებული საკმარისი ფაქტობრივი მონაცემების საფუძველზე, სისხლის სამართლის საქმე დანაშაულებრივი ჯგუფის ხუთი წევრის მიმართ სისხლის სამართლის კოდექსის შესაბამისი მუხლით დაიწყო და ბრალი წაუყენეს. ისინი დაკავებულები არიან.

ეროვნული უშიშროების სამსახურში ვარაუდობენ, რომ ტერორისტულ ოპერაციაში წარმატებით განხორციელების და შემდგომ ფართო მასების ჩართვის მიზნით, წინასწარ იგეგმებოდა უკრაინული და მოლდოვის ტელეგრამის არხების შექმნა სახელწოდებით „ეროვნული ხსნის აჯანყება“.
დაზვერვის სამსახურში აცხადებენ, რომ არხების გააქტიურება და აქტივისტების მობილიზება იგეგმებოდა ტერორისტული აქტების დაწყებამდე ერთი დღით ადრე.