14 თებერვალს სომხეთში თანამდებობიდან გადადგა ეკონომიკის მინისტრი, ვაჰან ქერობიანი. 

ის მას შემდეგ გადადგა, რაც ორი კვირის წინ, მისი მოადგილე და სხვა დაქვემდებარებული პირები კორუფციის ბრალდებებით დააპატიმრეს.

ქერობიანმა თავისი ნაბიჯი ახსნა პრემიერ-მინისტრ ნიკოლ ფაშინიანთან უთანხმოებით. მან ეკონომიკის მინისტრის პოსტზე სამ წელიწადზე მეტი იმუშავა.

ქერობიანმა გამორიცხა მოსაზრება, რომ მისი გადადგომა არის პასუხი მისი ქვეშევრდომების დაპატიმრებაზე. ტელევიზიით გადაცემულ განცხადებაში ქერობიანმა თქვა, რომ თუ ბრალდებები დადასტურდება, პასუხისმგებლობას ისიც იკისრებს.

საგამოძიებო კომიტეტი აცხადებს, რომ გამოძიება გრძელდება და შესაძლოა, "კიდევ ათობით პირი" იყოს ჩართული კორუფციის სავარაუდო საქმეში.