სომხეთის თავდაცვის სამინისტრომ უარყო არაერთი უცხოური და სომხური მედიის მიერ გავრცელებული ინფორმაცია იმის შესახებ, რომ სომხეთი უკრაინას რაკეტებს მიაწვდის.

„ეს ინფორმაცია სიმართლეს არ შეესაბამება და მოვუწოდებთ ჩვენს პარტნიორებს, სომხურ მედიას, არ გაავრცელონ ცრუ თეზისები უცხოური პროპაგანდისტული წყაროებიდან“, - განაცხადა სომხეთის დეპარტამენტის პრესმდივანმა არამ ტოროსიანმა.

იმის შესახებ ინფორმაცია, რომ სომხეთის ხელისუფლება დაჰპირდა უკრაინას Tochka-U-ს რაკეტების გამშვები დანადგარების გადაცემას, რუსეთის თავდაცვის სამინისტროსთან დაახლოებული ტელეგრამ-არხი Rybar-მა გაავრცელა.