სოხუმის აეროპორტში პირველ რეგულარულ სამგზავრო რეისს ტრადიციულად წყლის თაღი დახვდა.

ის წარმატებით დაეშვა ვლადისლავ არძინბას აეროპორტში, მოსკოვის ვნუკოვოდან მგზავრობის დრო 3 საათი და 40 წუთი იყო. თვითმფრინავით 50 მგზავრი ჩავიდა.

მოსკოვი-სოხუმის რეისის პირველ მგზავრებს აეროდრომზე ოკუპირებული აფხაზეთის პრეზიდენტი ბადრა გუნბა და რუსეთის პრეზიდენტის ადმინისტრაციის უფროსის პირველი მოადგილე სერგეი კირიენკო დახვდნენ.

სოხუმის აეროპორტი 1993 წლიდან არ ფუნქციონირებს. რუსეთის მონაწილეობით რეკონსტრუქცია 2023 წელს დაიწყო. პირველი სატესტო ფრენა 7 თებერვალს შედგა.