ამერიკელი რეპერი Snoop Dogg-ი ტელეკომპანია NBC-ს გუნდს შეუერთდება, რომელიც ზაფხულში პარიზის ოლიმპიურ თამაშებს გააშუქებს. ამის შესახებ euronews-ი წერს.

გამოცემის ინფორმაციით, 52 წლის რეპერი დაესწრება სხვადასხვა შეჯიბრს, გაესაუბრება სპორტსმენებს და მათ ახლობლებს. ამასთან ის პარიზის ღირსშესანიშნაობებსაც დაათვალიერებს.

„ოლიმპიადების ყურებაზე გავიზარდე, მიხარია რომ ვნახავ არაჩვეულებრივი სპორტსმენების საუკეთესო გამოსვლებს პარიზში. ეს უნარების, თავდადებისა და დიდების ძიების ზეიმია. ეს ყველაზე ეპიკური ოლიმპიადა იქნება“, - განაცხადა რეპერმა.

2024 წლის ზაფხულის ოლიმპიური თამაშები 26 ივლისიდან 11 აგვისტომდე გაიმართება.