შვედეთის დედაქალაქ სტოკჰოლმში ერთ-ერთ სკოლაში მოზარდს ესროლეს. სამართალდამცველებმა ეჭვმიტანილი დააკავეს, სიტუაცია კონტროლს ექვემდებარება. ამის შესახებ სააგენტო Reuters-ი და SVT მაუწყებელი პოლიციის წარმომადგენლის მონაცემებზე დაყრდნობით იტყობინებიან.

პოლიციის ცნობით, სროლა სტოკჰოლმის სამხრეთ ნაწილში მოხდა.

„როდესაც შემთხვევის ადგილზე მივედით, მოსწავლე გონზე იყო და ლაპარაკი შეეძლო“, - თქვა მან.

სამართალდამცველმა დასძინა, რომ პოლიცია დამატებით დამნაშავეებს არ ეძებს და სიტუაცია კონტროლს ექვემდებარება.

პოლიციამ წინასწარი გამოძიება მკვლელობის მცდელობის ფაქტზე დაიწყო და ასევე ამოწმებს კავშირს დაჭრილსა და ეჭვმიტანილს შორის.