სისხლიანი დაპირისპირება სტიქაროსნებს შორის - ლანჩხუთის მუნიციპალიტეტის სოფელ აცანის ღვთისმშობლის ეკლესიაში ტრაპეზზე მ. წ.-ს ცივი იარაღით რამდენიმე ჭრილობა მიაყენეს.

დაჭრილი საავადმყოფოში თავად მივიდა. მას ცივი იარაღით ჭრილობები მუცლის არეში აქვს მიყენებული.

"შემოსვლისას მუცლის ღრუში შემავალი ჭრილობა აღენიშნებოდა. შეიყვანეს საოპერაციოაში. ოპერაციაზე აღმოჩნდა დაზიანებული ღვიძლის კიდე, საიდანაც მოდიოდა სისხლი. თვითდინებით არის შემოსული პაციენტი, თავისი ფეხით. შემავალი რაც იყო კანში, მუცლის ღრუში, კანის მთალინობა დარღვეული იყო და იქიდან ჩანდა, რომ იყო სისხლდენა",- აცხადებენ ექიმები.

განზრახ მკვლელობის მცდელობის ფაქტზე ერთი პირია დაკავებული.