შვედეთის საგარეო საქმეთა სამინისტრო აცხადებს, რომ უკრაინის პარლამენტის მიერ გუშინ მიღებული კანონი შეშფოთებას იწვევს უკრაინის ანტიკორუფციული ინსტიტუტების დამოუკიდებლობასთან დაკავშირებით. ამის შესახებ ნათქვამია უწყების მიერ სოციალურ ქსელ X-ში გამოქვეყნებულ განცხადებაში.
„უკრაინის პარლამენტის მიერ გუშინ მიღებული კანონი სერიოზულ შეშფოთებას იწვევს უკრაინის ანტიკორუფციული ინსტიტუტების დამოუკიდებლობასთან დაკავშირებით. უკრაინამ ბოლო ათწლეულის განმავლობაში მნიშვნელოვან პროგრესს მიაღწია კორუფციასთან ბრძოლაში – კურსის შენარჩუნება აუცილებელია. შვედეთი კვლავაც ძლიერ პარტნიორად რჩება უკრაინაში რეფორმების განხორციელებისთვის“, – ნათქვამია შვედეთის საგარეო საქმეთა სამინისტროს განცხადებაში.
უკრაინის პრეზიდენტმა, ვოლოდიმირ ზელენსკიმ გუშინ ხელი მოაწერა კანონს, რომელიც ანტიკორუფციული ორგანოების დამოუკიდებლობას ზღუდავს.
კერძოდ, ცვლილებები ეროვნული ანტიკორუფციული ბიუროსა და სპეციალიზებული ანტიკორუფციული პროკურატურის დამოუკიდებლობას აუქმებს და მათ გენერალური პროკურორის გადაწყვეტილებებს უქვემდებარებს.
0
0
