შვედეთი „რადიო თავისუფლების“ მხარდასაჭერად ორ მილიონ დოლარს გამოყოფს. შვედეთის მთავრობაზე დაყრდნობით ადგილობრივი მედია იუწყება, რომ რადიო „თავისუფალი ევროპის“/რადიო თავისუფლებისთვის“ ფინანსური მხარდაჭერის გადაწყვეტილება, ჟურნალისტებისა და დამოუკიდებელი მედიის მხარდაჭერის ნაწილია.

შეგახსენებთ, რამდენიმე კვირის წინ, შეერთებული შტატების პრეზიდენტმა, ხელი მოაწერა აღმასრულებელ ბრძანებას, რომელიც ითვალისწინებდა შვიდი ფედერალური სააგენტოს შემცირებას. მათ შორის იყო შტატების გლობალური მედიის სააგენტო, რომელიც ზედამხედველობას უწევს „რადიო თავისუფალ ევროპა/რადიო თავისუფლებას“ და სხვა ფედერალურ მაუწყებლებს.