სტიქიური უბედურების დროს, შოვში იმყოფებოდა მერაბ ნინიძის ქალიშვილი - მარიამ ნინიძე სამ შვილთან და დედასთან ერთად. "პრაიმტაიმმა" გაარკვია, რომ მსახიობის ოჯახის წევრები უვნებლად არიან და შინ ბრუნდებიან;

"პრაიმტაიმთან" კომენტარს აკეთებს თემიკო ჭიჭინაძის ქალიშვილი, ლიზა ჭიჭინაძე

ლიზა ჭიჭინაძე: “მარიამს ვესაუბრე, ამ ეტაპზე მხოლოდ ის ვიცი, რომ ღამის გათევა მანქანებში მოუწიათ; არავინ დაშავებულა და ახლა სახლში ბრუნდებიან”,

ცოტა ხნის წინ გავრცელდა ინფორმაცია, რომ სტიქიას 6 ადამიანი ემსხვერპლა.

როგორც ცნობილია, ონის მუნიციპალიტეტში სამაშველო ღონისძიებები მიმდინარეობს, დაახლოებით 35 ადამიანს ამ დრომდე ვერ უკავშირდებიან.