მსოფლიოს ჩემპიონატის საკვალიფიკაციო ეტაპის დარჩენილ შეხვედრამდე საქართველოს ნაკრები მსოფლიოს კალათბურთის სუპერ ვარსკვლავმა, იანის ანტეტოკუმპომ გაამხნევა.

"საქართველო, მე იანის ანტეტოკუმპო ვარ. მინდა წარმატება გისურვოთ, შევხვდებით მსოფლიოს თასზე. წინ!" - განაცხადა ბერძენმა კალათბურთელმა.

ცოტა ხნის წინ დასრულდა საქართველოსა და ნიდერლანდების დაპირისპირება, რომელშიც ქართველებმა 88:80 იმარჯვეს.

ეს გამარჯვება მსოფლიო ჩემპიონატზე გასვლისთვის მნიშვნელოვანი წინ გადადგმული ნაბიჯია.

მორიგი და ამავდროულად, ამ საკვალიფიკაციო ტურის ბოლო მატჩი, ქართველ კალათბურთელებს 26 თებერვალს, თბილისში ისლანდიის წინააღმდეგ ელით.

დადებითი შედეგის შემთხვევაში საქართველოს ეროვნული ნაკრები მსოფლიოს პირველობაზე პირველად გავა.