საქართველოს ეროვნულმა საკალათბურთო ნაკრებმა მსოფლიო ჩემპიონატის საკვალიფიკაციო ეტაპის მორიგი მატჩი ნიდერლანდებთან სტუმრად გამართა და 88:80 გაიმარჯვა.

მატჩის საუკეთესო მოთამაშე თორნიკე შენგელია გახდა, რომელმაც საბოლოოდ 23 ქულა ჩააგდო.

ეს გამარჯვება მსოფლიო ჩემპიონატზე გასვლისთვის მნიშვნელოვანი წინ გადადგმული ნაბიჯია.

მორიგი მატჩი ქართველ კალათბურთელებს 26 თებერვალს, თბილისში ისლანდიის წინააღმდეგ ელით. 

დადებითი შედეგის შემთხვევაში საქართველოს ეროვნული ნაკრები მსოფლიოს პირველობაზე პირველად გავა.