„გვაქვს საკმაოდ კარგი აქტივობა. ჩვენი მონაცემები აჩვენებს, რომ „ქართული ოცნება“, ახლა უკვე მერვედ, დამაჯერებლად გაიმარჯვებს. თუმცა, ამისთვის საჭიროა ყველა ახლა გააქტიურდეს, ვინაიდან, როგორც ვიცით, დღის მეორე ნახევარი არის სწორედ ის მომენტი, როდესაც ჩვენი ოპონენტებიც საკუთარი ამომრჩევლების მობილიზებას დაიწყებენ ძალიან აქტიურად და ჩვენ ამას ვხედავთ სხვადასხვა უბანში. განსაკუთრებით, თბილისში შეიმჩნევა, რომ აქტიურად მიმდინარეობს საკუთარი ამომრჩევლების მობილიზება. მათი კოორდინატორები უბანთან, გარშემო არიან. ასე რომ, მოვუწოდებ ჩვენს ამომრჩევლებს, დღეს არის მათი დღე, უნდა თქვან სიტყვა იმასთან დაკავშირებით, თუ ვინ უნდა იყოს მუნიციპალიტეტებში ხელისუფლებაში“, - აღნიშნა შალვა პაპუაშვილმა.