სატელიტური გამოსახულებების შესწავლით დადგინდა, რომ ცხედრები ბუჩას ქუჩებში მარტის შუა რიცხვებიდან უკვე იყო

სატელიტური გამოსახულებების შესწავლით დადგინდა, რომ ცხედრები ბუჩას ქუჩებში მარტის შუა რიცხვებიდან უკვე იყო - The New York Times

05/04/2022

16:35

მსოფლიო

A-

The New York Times-ს ცნობით, ბუჩას ქუჩების სატელიტური გამოსახულებების შესწავლით დადგინდა, რომ ცხედრები ქალაქის ქუჩებში მარტის შუა რიცხვებიდან უკვე იყო. გამოცემის ინფორმაციით, ანალიზი არ ადასტურებს რუსეთის ხელისუფლების განცხადებებს, თითქოს ბუჩაში მშვიდობიანი მოსახლეობის მკვლელობები მას შემდეგ მოხდა, რაც რუსმა სამხედროებმა ქალაქი დატოვეს.

მშვიდობიანი მოქალაქეები სწორედ მაშინ მოკლეს, როდესაც ქალაქი რუსეთის არმიას ჰქონდა დაკავებული. ცხედრები ბუჩას ქუჩებში ჩანს 11 მარტს გადაღებულ სატელიტურ გამოსახულებებზე. ზოგიერთი სხეული იმავე პოზაშია, რაც სამი კვირის შემდეგ, მათი აღმოჩენის დროს.

531