ჩაქვში, სასტუმრო „ოაზისში“ გარდაცვლილ მცირეწლოვანზე გამოძიება დაწყებულია.

ამოღებულია ვიდეომასალა. სასტუმროს ადმინისტრაცია სამართალდამცველებთან თანამშრომლობს.

„რაც მოხდა უდიდესი ტრაგედიაა და მინდა, ადმინისტრაციის სახელით სამძიმარი გამოვუცხადო გარდაცვლილის ოჯახს. ადმინისტრაცია გამოძიებასთან სრულად თანამშრომლობს, გუშინვე მოხდა დროულად ჩანაწერების დათვალიერება. ასევე დაწყებულია გამოკითხვები ჩაქვის პოლიციაში, რაც დღესაც გრძელდება. რაც შეეხება მომხდარს, ჩვენ ხელთ არსებული ინფორმაციით და დოკუმენტებით, ის, რა ვალდებულებებიც გააჩნია ადმინისტრაციას აუზების მოვლა-პატრონობასთან დაკავშირებით, დაცულია. თუმცა სრული ინფორმაცია წარედგინება გამოძიებას“, - აცხადებს სასტუმრო „ოაზისის“ ადვოკატი, კახა წერეთელი.

მცირეწლოვანი ბავშვი აუზში გუშინ გარდაიცვალა.